Wing Keung 的个人资料『 將進酒 』‧『 Winner Pub 』照片日志列表更多  |  工具 帮助 |
|
1月3日 火煱祭‧第五晚元旦都過左，仲會寫番聖誕的事件!?
唉!!... ...聖誕後，發生左太多事!!... ...寫得幾多得幾多啦!!
好啦!!... ...上回講到，晌師父屋企打左個邊爐!!... ...咳上加咳!!
唉!!... ...但第二日，又約左將軍澳之友打邊爐!!
無計啦!!... ...瞓多陣睇下會唔會好啲!!
誰不知，一瞓就瞓到16:15!!... ...( 自己仲約人16:30!!... ...SORRY!!SORRY!! )
晌廁所，一路咁大巴大巴"星"自己同自己講﹕「喂喂喂!!... ...醒啦!!... ...肥仔!!」
一路個肥仔只對住塊鏡，留晒口水咁﹕「喂!!... ...仆街!!唔好再"星"啦!!... ...好啦!!停啦!!」
維持左... ...5分鐘!!
沐浴更衣，束髮起程!!
去到和良少、CEO焜和駛利皇妹去百佳買材料!!
食物一陣再講!!... ...先講野飲!!
良少，一攞就攞左知"伏特加"和"兩支橙汁"... ...( 嘩!!... ...即係"雙飛人藥水"加"美沙酮"，真係蚊虫多多，功效顯住!! )
這都唔出奇呀!!
當我俾錢個陣，同駛利皇妹講﹕「駛利亞!!... ...寶利茶!!288... ...底呀!!」
駛利皇妹一看﹕「妖!!」
我再和良少、CEO焜講﹕「寶利茶!!288... ...底呀!!」
他們聽完﹕「乜春... ...寶利茶要288!?」
再看一看﹕「你買啦!!」
大家，一定會問乜野"寶利茶"要288咁貴!?
貴!?... ...平啦!!... ...芝華士寶利茶，你今日飲左未呀!!... ...( 你個肥仔，講啲唔講啲!! )
買完野後，再JOIN埋社長、社長夫人，樂華SHINE( 其中一人 )!!
會合去埋童志雲、日本紙、比我瘦少少的貴公子、比我瘦少少的貴公子的玫瑰和無名 ( 唔記得佢個名!! )
上去拆屋啦!!
直到開爐食得個一刻個人先開始醒，先開始認得啲人!!... ... ( 仆佢個街，突然咁耆英FEEL!!... ...SHIT!! )
如果仲唔醒，你俾屎我食，我一定會講﹕「好食!!... ...大王啲屎!!好食!!」... ...( 死啦!!... ...現在真係成日都講!! )
接著仲有美亞媽媽和珊珊來遲 ( 真係無改錯名!! )
要來的... ...都差唔多到晒!!
「未遲完，明天繼續再寫!!」... ...得啦!!... ...我會明晚前打晒啦!! 12月26日 火煱祭‧第四晚如無意外，我現在應該失左聲!!
鬼咩!!... ...由我不在香港，直到昨晚都是火煱做DINNER!!... ...( 連續五晚!! )
而且慈禧母后和秦始父皇仲想今晚食火煱!!
夠啦!!... ...夠啦!!唔好再火煱啦!!... ...俾啖飯來吃吓!!... ...好唔好!?
頭三晚，其實沒有什麼特別!!... ...重點在於，第四晚和第五晚!!
第四晚的火煱祭，其實我已經開始失聲和走音!!
回到香港，睡在家中!!... ...希望休息幾多得幾多!!
你一定會想"火煱"啫!!... ...幾時都有得食啦!!
但我都覺得點都要出席!!... ...因為這次係上師父家中打邊爐，而且仲有師兄弟們聚首一堂!!
當我睡醒時!!... ...急趕地沐浴更衣!!
飛奔落去"榮中"買手打魚蛋!!... ... ( 我在此強調"榮中"魚蛋，非常好食!!... ...但價錢都貴貴地!!成世仔未試過買百幾蚊魚蛋!! )
再接過臭八，去我師父家中!!
一開門，第一句聽到師母，小師弟和小師妹異口同聲咁講﹕「強 / 強哥，你又肥左!!」... ...，即時"結冰"!!
係啦!!... ...係啦!!... ...減肥嘛!!... ...知道!!
當他們見過臭八和相處過後，得出一個結論"阿強是一個好衰和邪惡的男朋友"!!
為何誰見到臭八，都會覺得係我有問題!!
大家唔好俾佢外表軟弱，楚楚可憐的樣子欺騙到呀!!... ...佢俾我更邪惡呀!!... ...( 唉呀!!... ...個頭流血!!邊個晌我後面爆樽!? )
唉!!... ...喜力和臭八，並不能共存這個道理係對的!!
成晚飲喜力，真係晌度MEI吓MEI吓!!... ...，但點都算啦!!重點不在此!!
能夠見到青雲，而且大家在這行發展得好好都算唔錯啦!!... ...( 你睇下師父眼有淚光啦!!... ...一定話有沙入眼啦!!哈哈哈!! )
雖然，阿TING未能出席!!... ...但都不打緊!!因為我們仲有團年飯嘛!!
好啦!!... ...唔講咁多啦!!
原本想寫埋「火煱祭‧第五晚」，但前晚實在太多野寫啦!!
留番明天有時間再寫!!
記住﹕臭八係邪惡無比的!!... ...( 唔該同我CALL白車!!... ...個頭又俾樽形硬物擊中流血啦!! )
字﹕將進酒 12月21日 聖誕‧二五‧不平安夜由於明晚後，我會不在香港，直到12月24日夜晚回來!!
為免今次活動，會出現一些問題!!
晌我出發前，和幾個將軍澳之友會員交代好和決定了時間地點!!
資料如下﹕
活動名稱﹕聖誕‧二五‧不平安夜 ( 即係打邊爐 )
日期﹕2006年12月25日
時間﹕16:30pm，藍田地鐵站恆生銀行等 ( 麻雀耍樂，街市購物 )
﹕19:00pm ( 準備起筷 )
地點﹕寶焜籃田其中一個家
現在參加人數﹕我，良少，童，寶焜，大頭，LING，YAN，CLIEA，.... ....等!!
由於，朋友眾多和工作繁忙!!
所以會在有BLOG和MSN的朋友留言!!
如果有什麼問題請聯絡寶焜，大頭，LING，CLIEA!!... ...而我24號回來的時候，都會再聯絡他們!!
記住，如果通知留了!!... ...請再CONTACT我們，因為人都會有錯失嘛!!
而當日有時間的朋友，都幫幫手買東西!!PLX!!
我出發都出發得安落!!
字﹕將進酒 12月16日 扭蛋風雲臭八!!... ...其實，好少扭買野，又唔會扭計!!
但近排佢好興扭一樣野!!... ...就係「蛋」!!
每次食完DINNER，都會去APM 扭蛋店狂扭!!
第一次
臭八﹕「有狗狗扭蛋呀!!... ...我要扭八哥!!」
肥四﹕「你屋企都有隻啦!!... ...你番屋企慢慢扭啦!!」
臭八﹕「我要~~~~~扭扭扭扭 ( !刪除一萬個"扭"!!」
肥四﹕「OK!!」
第一隻抽唔中，係「柴犬」!!
第二隻抽唔中，係「貴婦」!!
俾左四個五蚊，抽晒... ...冇銀彈抽啦!!... ...而我抽左四個印仔!!
這時，臭八眼帶死心不息的眼神!!
肥四﹕「明!!... ...OK!!... ...肥妹唔該"唱"多四個五蚊!!」
臭八﹕「妖!!... ...我最憎「傻狗」，未俾我抽中佢!!」... ... ( 頂!!... ...我最LIKE「傻狗」)
心想，中!!傻狗!!... ...中!!傻狗!!... ...中!!傻狗!!... ...!!
一扭!!... ...扭出來睇唔到係乜!!... ...咁就一開!!
肥四﹕「哈哈哈 ( 忍唔到笑個種!! ).... ....傻狗呀!!」
臭八﹕「點解會係傻狗呀~~~~~( 深谷迴音!! )」
正所為「講中烏鴉口，抽中隻傻狗!!」
第二次
同一地點，同一情景!!
臭八﹕「我要扭中仙打喇嘛 ( 灰姑娘 )!!」
肥四﹕「你最憎邊個公主呀!!... ...??」
臭八﹕「沬利!!」
肥四﹕「睇來你都抽中沐利啦!!」
一抽之後!!
臭八﹕「呀!!... ...肥佬，我又抽中沬利啦!!」
從此之後!!... ...臭八一扭，就唔會再出入何聲!!... ...因為佢強項係「開口中呀」!!
字﹕將進酒 12月13日 你去那裡... ...??由上星期開始，接近三個月的疲憊工作暫時告一段落!!
想吓!!... ...想吓!!... ...約個衰婆出去DINNER都好喎!!
咁就晌上星期五，去左APM度等!!
臭八一見到我，第一句﹕「肥仔，我好耐無見你啦!!」
當時，我一想再想，又真係好似沒有和你出過街喎!!
和她食完飯夜晚!!... ...約左將軍澳之友睇「墨攻」!!
宵夜時，阿LING問左我一句﹕「你對上個次，係幾時見阿寶呀??」
講真!!... ...這時，真是如夢初醒!!... ...而我只能夠答﹕「好像妳和大頭結婚個晚!!」
這時，我先知道我失蹤左三個月!!... ...雖然大家平均每晚都有電話聯絡!!
但真係想唔到，我工作到連和她去街都唔記得左!!
如果是一個好男人最起碼都要和她吃餐飯啦!!... ...!!
知啦!!~~~~知啦!!... ...我未來盡量可以的，都會減少工作量啦!!
去街嘛!!... ...好!!
SHOPPING嘛!!... ...好!!
睇戲嘛!!... ...好!!
我知啦!!... ...「強仔回歸!!」嘛!!... ...OK!!
字﹕將進酒 12月6日 爆肺‧的士佬上星期日，係三個月內能夠瞓到六個鐘以上的一天!!... ...( 前一晚，將軍澳之友唱K!! )
但駛估唔到，個日會遇到一個俾我"少"到反艇的士佬!!
我下午一出門口，一上的士!!... ...準備去，深水步北河街!!
開頭好好地，好平靜!!... ...但當落車，攞過的士單!!... ...仆佢街的事就出現啦!!
我攞左的士單，叫司機開車尾箱準備攞器材!!
誰不知，個的士司機開車走喎!!... ...我叫極，拍極佢車尾箱都沒有意識停車!!
仲要我追左兩條街!!... ...好彩，我call的士有佢電話啫!!... ...點不知個仆街電話啲按鍵，早唔"shot"，遲唔"shot"!!
遍遍晌這時同我作對!!... ...我用盡九牛二虎之力，終於打得通個電話!!
我第一句說﹕「司機大佬，你想我啲行李去邊呀!!」... ...個司機，即時O晒咀!!
司機說﹕「呀!!... ...唔好意思呀!!.... ....我迫左架車晌街口右邊呀!!」
我沒氣咁講﹕「我見到，我仲跑左兩條街啫!!」
隨後啲車，經過架的士!!... ...都同個的士佬講!!... ...後面有個肥仔追住你架車呀!!... ...( 我估!! )
到我追到架車時，個的士佬落車俾我"少"到佢反艇!!
原本都唔想"少"佢，佢答左一句野，真係唔"少"唔得!!
就係，「唔好意思，後面架警車攪到我失左魂!!」.... ...我真係.... ....!@#$%^&*()... ...!!
字﹕將進酒 12月1日 將軍澳之友，唱K大行動日期﹕2006年12月2日( 星期六 )
時間﹕10:30後
地點﹕APM加洲紅 ( 個間係唔係加洲紅?? )
現在參加人數﹕良少，CEO焜，林社長，林社長夫人，駛菲利亞，朕，日本紙!!
如果想去或有興趣，至電給我!!
我會星期六，下午訂房!!
能夠早去準時到的，可以陪同駛菲利亞攞房!!
11月28日 肥人的，罪過 ~~~~ 罪過!!今天終於可以抽到時間寫下個SPACES，但一寫反而係要寫一篇「難受」的事件!!
晌這一兩年，我由瘦仔變左個肥仔，毫無疑問真係肥左幾個碼!!
每個人見到我，都會說﹕「你肥左啦!!... ...減肥啦!!」，聽到我會好開心!!
因為我喜歡自己肥肥的樣子 !!
但今天晌公司，發生了一件事情!!... ...一件幾難受的事情!!
雖然有點兒想發脾四，但我師父講過﹕「世上沒有一個人，可以給另一個人難受!!... ...張心比己!!」
所以，在自己的坐位上，工作... ...工作... ...工作... ...!!
看到兩年前的相片好開心，因為記番起以前的記憶!!
看到兩年前的自己好奇怪，因為我肥了和老了許多!!
之後，其實沒有什麼大不了!!... ...但今天我的肥胖，成為公司每一個角落的話題!!
那時，我感受到作為一個肥人的難受!!
難受在我的肥胖好似係好有問題!!... ...( 討論的人最奇怪本身唔係瘦!! )
難受在聽到每一把聲音會說﹕「做乜攪成咁呀!!... ...你受左咩刺激呀??」
難受在引發這次事件，係我信任的家姐!!
講真!!
就是因為她是家姐!!... ...我先忍住唔發脾四!!
倒不如，我形容一下個我雙眼見到的一刻說給俾大家知!!
「喂!!喂!!喂!!... ...你睇下小強，兩年前的樣子!!... ...哈哈哈!!」
之後會聽到一大堆疑問句... ...!!點解呀!!... ...為何呀!!... ...做乜攪成咁呀!!
雖然經常都給人說我肥肥的，而我由好開心接受!!
但當你由回到公司第一句，聽到﹕「做乜攪成咁呀??」... ...( 唔明發生乜事?? )
直到自己個兩年前個死人樣，遊遍全公司的電腦SCREEN上!!... ...再聽到一系列﹕「點解呀!!... ...為何呀!!... ...做乜攪成咁呀!!哈哈哈!!」
算啦!!... ...笑別人時，有時都要給別人說笑!!
但最難受的地方，係上、中、下三集都會晌家姐個SINA BLOG度出現!!
真係即時"啤"一聲!!
想下想下，我又唔係第一日認識佢，有時她這樣，佢自己都唔知!!
唉!!... ...算啦!!
我出聲在佢個BLOG留言阻止，是唔想其他人給我的脾四難受!!
我肥胖是有我原因!!.... ....我老了是有我的理由!!
有些人，會明白我生活模式就會知道發生乜事??
而我從不介意自己肥，和別人肥!!... ...肥唔肥，都係普通人一個!!
做人肥得健康，吃得開心，玩得盡興!!
仲有，「馬小姐」!!... ...你看到時，妳都想一想!!
字﹕將進酒 11月26日 爆笑日記 --- 陳叔叔來我家玩媽媽陳叔叔來我家玩媽媽~~~~(認真看好好笑喔!!)
老王規定其兒子每天要記日記，某天晚上他要抽查兒子的日記。 他查完日記後，對兒子的母親大發雷霆。 其妻莫名其妙，要求老王說明原因。 他憤怒地打開兒子的日記攤在桌前， 其上歪歪扭扭地寫著： “今日陳叔叔來我家玩媽媽，說做作業後，可以吃點心。 然後，陳叔叔誇我作業做得好，於是叔叔抱起了我媽媽，叫叔叔小心一點，之後叔叔又親了我媽媽，也親了我奶奶，也親了我。” 妻大怒，斥問兒子， 兒子哭道：“是我把標點點錯了，........ 應該是 然後，陳叔叔誇我作業做得好，於是叔叔抱起了我，媽媽叫叔叔小心一點，之後叔叔又親了我，媽媽也親了我，奶奶也親了我。” 11月15日 今個「星期五」將軍澳之友吃DINNER通告由於，上星期良少和我閒談時說，在今個星期五約大家食DINNER!!
所以出此通告!!
良少!!... ...唔好意思!!個人病左，唔記得為乜野叫大家食飯??
不過，每人個都要食飯，有興趣的朋友!!... ...留言給我，或我會通知大家!!
如果唔記得通知你 / 妳，自己CALL ME!!... ...因為仲病病中!!
字﹕將進酒 11月14日 究竟傷風，還是感冒??由上星期六，到現在都沒有寫個SPACES!!
原因係我唔知傷風定感冒??... ...( 其實我唔太識分別!! )
簡單些講，有咳，有鼻水，有啲鄧見暈!!
唔好以為，... ...病沒有趣聞呀!?
晌好耐，好耐，好耐，好耐... ...( 夠啦!! )，即係上星期六!!
原本CEO焜CALL DINNER，但奈何買左有少少肉赤的"超獸機神"超合金!!
個心，其實想放飛機呀!!... ...但俾我CHECK ACOUNT時，發現個戶口又多左錢!!
哈哈哈!!... ...就決定出去食DINNER!!
我同CEO焜，良少，林氏伉儷!!... ...坐CEO焜架"居"去左，阿KEN介紹慈雲山一間叫「三記」的潮州打冷!!... ... ( 講真!!... ...慈雲山有乜野好玩??點解阿KEN咁熟路??... ...阿KEN，AUNT叫你有時間番下屋企呀!!... ...HAHAHA!! )
一坐底，一定要叫兩支大啤，啤一啤佢啦!!... ...誰不知，直想叫兩支喜力時，走左個嘉士伯的姐姐過來!!
唉!!... ...又衰心軟，兩支唔該!!
一來到兩支，居然無人飲!!... ...好彩，良少都陪我飲兩杯，寶焜揸"居"唔飲都OK!!
但大頭因為阿LING在場，冇得飲!!... ...對的，臭八晌度我都只可以飲滾水咋!!
係時候起筷啦!!... ...有潮式炸豪餅、九菜豬紅拚豬皮、鹵"死"豬腸耳拼豆腐、枝竹黑草羊煲 ( SMALL SIZE )和潮州麵線!!
有什麼特別呀??... ...其實，又沒有什麼特別，大家都經常食!!... ...但好食在係夠入味啦!!
不過，潮州麵線唔知係唔係我第一次食，... ...食落有啲咸!!
夜晚，JOIN埋駛利亞皇妹去糖佰府食糖水!!
我見良少叫「芒果班"CAKE"」，我就轉呔叫「榴槤班"CAKE"」!!
HAHA!!... ...駛利亞皇妹和良少原來聞到榴槤的臭味!!... ...( 我真係聞唔到"臭"喎!! )
我就成晚晌度講﹕「我食左大蒜，咖哩蟹同"榴槤"，勁好味~~~!!」... ...( 香口糖廣告對白!! )
講左咁耐，同傷風感冒，有什麼關係??... ...其實大致上，沒有關係!!
只係未出發前，已經有喉嚨痛!!... ...HOHOHO!!
到左上星期日早上，開始喉嚨超痛!!... ...FEEL到啦!!... ...病阿嘛!!
但又要回公司做埋啲手尾，再要教POPO用PREMEIE!!... ...所以都決定回公司!!
PO PO做左PRODUCTION咁耐，一講就明點用!!... ...而我想接著繼續我的工作啦!!
但公司實左太悶熱，加上又病病地!!... ...最後同PO PO回將軍澳食TEA!!
食完TEA!!... ...見又病病地，去中藥鋪飲杯"特郊感冒茶"啦!!
個中藥鋪阿姐仲問我﹕「要唔要加應子和山揸餅送口??」
我好強硬說﹕「怕咩呀!!... ...咁大過人邊度會怕苦!!」
點知一路行，一路飲個陣時!!... ...個人DOWN到!!真係好XXXXXXX苦呀!!
原本回家條路5分鐘行完，為左飲杯好X苦的"特郊感冒茶"，足足用左20分鐘先番到去屋企!!
我條"塵靈利"，差少少俾杯苦野，苦死晌個口入面!!... ...但飲完後，喉嚨舒服左!!
星期一，個人開始出現抗苦茶反應!!
等到收工，又就去飲杯"特郊感冒茶"，... ...苦到，真係... ...唔講啦!!
直到現在，改食必理痛傷風感冒丸!!... ...病情，已經得到控制!!
但仲係一路打SPACES，一路包菜肉雲吞!!
係呀!!有沒有人話到俾我聽，傷風同感冒的分別??
字﹕將進酒
11月12日 廿六年，其中一件遺憾的事解決了晌我讀小學年代，有一套卡通動畫"超獸機神"，對我來說影響非常深!!
可以說，建立了儲機械人玩具的習慣!!
在之前的日記都講過!!... ...小時候的我，好窮!!
沒有錢買玩具，就連當年出的"超獸機神"機械人，在我來說絕對是一個天價!!
兩年前，BANDAI的超合金魂系列!!... ...重出"超獸機神"，而且造型、變形和可玩性極高!!
那時，一出已經由800 - 900元暴升到1600元的價位!!... ...講真，真係好貴!!
一路等，一路希望佢跌價!!... ...終於有一次在某一間玩具店，見到900元!!
但奈何，月尾冇錢!!... ...到最後，再沒有見到"超獸機神"的出現了!!
在我來說，我一生中極少遺憾的事!!
而買不到"超獸機神"，我一直都耿耿於懷!!
大家會覺得只是一件玩具，但對我來說是其中一件小時候還記住的回憶!!
在打後的兩年內，不理任何價錢，只要是新貨!!... ...價錢我俾得出，我絕對會買!!
直到上個月前，希望出現了!!
我在林大大口中，得知"超獸機神"會再版!!
我就不理三七廿一，飛去奇趣天地訂貨!!... ...等!!... ...等!!... ...等了一個月!!都沒有消息!!
直到在玩具討論區，見到有人說日本10月25日已經有售，10月26日會到港!!
即刻打電話落去問，但答案是沒有，未來貨!!
我又一直等呀!!~~~~等呀!!~~~~!!
昨天，和臭八行街!!... ...晌奇趣天地的見到"超獸機神"!!
突然，心中個股熱血再燃燒啦!!... ...但點解每次想買"超獸機神"的時候，那期會有銀包肝硬化和嚴重發錢寒!!
而且價錢仲要1200元左右!!
超燶的情況下，我和臭八晌新都城三期行左幾次!!
到最後!!... ...!!臭八都FEEL到我，極想買!!... ...而且說借住俾我先!!
講真!!... ...如果要借女人錢買玩具我做唔到，而且我最唔鐘意欠人錢!!
到最後"LOOK"咭解決!!... ...最多今個月狂帶飯和少出街食晚飯!!
當我一來上手，在家中打開的時候!!
我真是開心到，自己晌房到傻笑!!... ...!!
而且多謝我身邊的朋友，因為他們每次出街都會留意"超獸機神"出了沒有，而且昨天買了的時候，他們已經致電給我說已經出左啦!!
由此可見，"超獸機神"對我來說都影響幾深!!
但講真!!... ...好燶呀!!仲有16日先出糧呀!!陰公!!
字﹕將進酒 11月7日 元氣‧十五印好飽呀!!... ...我和LINDY、GALI、ZA、堯、忍年去左元氣食壽司!!
大家開開心心咁食，我估計都有50碟左右!!... ...我就唔理有大食大，狂食燒三文魚壽司!!... ...( 好肥美呀!!~~~~~正!! )
但居然沒有油甘魚!!... ...GOOD!!SHIT!!
有傾有講，都食左幾個鐘!!
其實，我入來做咁耐，食得最歡欣都係這一餐啦!!
下個月，再來個!!
為何，你們咁鐘意吸印花??
字﹕將進酒 11月5日 超榮‧烏蠅人生就是這樣!!... ...得閒的時候，真係好得閒；忙碌的時候，忙到睡覺時間都沒有!!
但不打緊!!... ...吃個夜宵，什麼疲累都沒有!!
今晚，又即興食宵夜!!
仲接收了「大頭飲醉鬧事的片段」，將軍澳之友唔駛急呀!!.... ....條片COMING SOON!!
最巧合的又見到KEN媽媽，而且KEN媽媽想幫我們埋單!!... ...哈哈哈!!... ...( KEN媽媽，太客氣啦!!... ...但我們唔會講KEN仔去左邊個「山」!! )
講番條片，內裡都有我出現!!
仲要俾大頭話我似，頭條新聞"林超榮"!!... ...GOOD!!SHIT!!
似"林敏聰"已經衰，仲要似"林超榮"!!... ...攪到有一種超DIRTY的感覺出現!!
因為我成日覺得"林超榮"啲衫褲唔洗和個人唔太沖涼!!
此時，唔知係唔係腦電波影響，突然有隻烏蠅晌我頭飛來飛去!!
攪到我即時回家狂洗個BODY和HAIR!!... ...( 昨晚先洗完頭咋!! )
字﹕將進酒 11月4日 一個月足足有一個月沒有寫BLOG，... ...想我講爛GAG和聽我趣聞的朋友，真是SORRY!!... ...SORRY!!
而我未來都盡量抽時間寫下，... ...沒有辦法啦!!知情的朋友，都知我很多野做!!
連瞓覺時間都差不多沒有呀!!... ...陰公!!
有乜可以寫呢!!... ...UM??
好啦!!... ...如果講近排，只有得工作!!... ...UM!!... ...忙囉!!悶囉!!怒囉!!笑囉!!
當然啦!!... ...最後都是一句﹕「唉!! 算啦!!...嘆氣!!」
哈哈!!... ...唔係講完!!... ...講一件有趣的經歷給大家知!!
話說!!... ...我在大廈有一個和我一樣的仆街仔!!... ...( 條細路，真是好仆街!! )
有一日，和條仆街仔同一間電梯!!... ...我住28樓，條不知明的細路住或者去27樓!!
個件仆街仔賤精的程度，拍得住我!!... ...( 我真係估唔到，老貓燒鬚!! )
佢一出電梯，... ...突然放左一個~~~~奇臭的屁~~~~!!... ... ( 真係好臭!!... ...臭到!!真係好難頂個種!! )
最慘，去到28樓，到我出電梯!!... ...有人入電梯落地下!! ... ...( 28樓是架電梯的頂樓!! )
而且落地下的鄰居仲用一種奇特，厭惡，不知所為，變態的眼神望我!!
而他們的眼神告訴我﹕「肥仔，... ...咁大過人仲晌電梯放屁!!」
這時我發誓，如果我想見番個細路，要十倍還番俾個佢!!
間了好久的一晚，又是這個仆街仔，又是只有我們兩個人搭電梯，而佢好像認得我!!... ...而我當然又認得佢啦!!( HEHE!!奸笑+眼睛發十字型星光!! )
開頭和上次沒有分別!!... ...但當架電梯去到23樓時，我即時用身型遮擋，按了25，26字!!
去到25樓，等電梯門將要關上的一剎那沖出去!!... ...再晌將近關上門內，放回一個~~~~奇臭的屁~~~~!! ( 嘩!!俾屎還要臭的屁!!... ...連我自己都驚呀!! )
大家會覺得好無聊!!... ...其實想起都幾無聊，但在我立場，無聊和奇怪的事情經常發生在我身上!!
而且當晚我仲要打邊爐，飲了極多喜力!!... ...仲要有貨買，有屁放!!
小朋友，... ...等哥哥，放一首歌給你啦!!... ...歌名是「假如"屁"有天意」!!
回想起!!... ...都沒有再見過個細路!!
有時和朋友說起，... ...他們說﹕「可能給你的屁毒死了!!」
後來，引我父皇的其中一句經典﹕「你有屁用咩!!」
而我光中耀祖咁答父皇﹕「今次，我真係有屁用呀!!」
好像發生在四五年前!!... ...飲醉酒唔記得日期時間啦!!HAHAHA!!
下次，寫大頭醉酒的一晚!!... ...為何唔寫大頭結婚??
都好多人晌BLOG寫左，倒不如寫下幕後花絮!!
字﹕將進酒 10月3日 西裝上星期五，約左良少和童志雲去買西裝!!
講真，廿六年來!!... ...我未穿過西裝!!... ...原因是感覺上不太襯我性格和沒有這個需要!!
當然啦!!... ...林劉聯婚大喜日子
就算自己點唔鐘意穿西裝!!... ...都要去買一件和穿一次!!... ...好朋友之喜，大於一切嘛!!
但都要講番，Biem個姐姐都ok good ar!!... ...但年紀比較大少少!!
我又傻到講俾臭八知!!... ...而臭八俾我的回應是﹕「仲有沒有喜力樽呀!!... ...最好起孖!!」... ... ( 說笑!!說笑!! )
仲有兄弟們，我們要堅持原則，... ...要用9.9元去使她們開門!!
口號是「一俾九個九，新娘接到手!!」
字﹕將進酒 9月27日 玩累鬥累，最後激Q死個諸葛後裔諸葛後裔都俾我阿媽激Q死!!
是不是我工作唔夠多，
是不是我沒有私人事要處理，
是不是我瞓得太多，
是不是我做了害人的事，
是不是我沒有壓力，
是不是我太過得閒，
是不是我過份瀟遙，
是不是我經常講笑，
是不是我天下無雙，
是不是我算無為漏，
是不是我太過自信
是不是仲有無止境的是不是??
點解，... ...連一些沒有必要理的事，都要我去理呀!!... ...媽!!
我真是老了!!... ...老到俾自己阿媽激到病左!!
大家唔好誤會，... ...唔係關於錢!!
只是一個家族鬥智鬥力的遊戲，但這個遊戲唔好玩，也唔可以玩!!
玩到最後結果，只有莊win，閒lose!!
而母后沒有能力和沒有資格去玩，最衰叫佢唔好玩，佢係都要玩!!
玩唔掂，叫我... ...變個... ...「和局」!!
聽到即時，噴血!!
平時都係用十個八個洋蔥頭!!
我阿媽勁威呀!!... ...今次使我現在個心情用三十二個洋蔥頭!!
真係刀嘜一句﹕「始終都係媽媽好!!」
但當媽媽說完故事後，真係重講刀嘜一句，再加多一個字﹕「始終都係媽媽"聲"好!!」
字﹕將進酒!!
9月24日 夜宴十四夜宴十四，一個十四人的夜宴，一個用什麼都換不到的夜宴!!
未開始打的時候，首先多謝各位來臨這個九月的生日夜宴，而且仲要特別大聲多謝皇妹‧駛利呀的統籌!!
無你們的支持，這個夜宴又點會成事呢!!
大榮華，... ...very good!!
食左啲乜呀??... ...唔太記得啦!!但有我喜愛的豬油撈飯!!... ...( 正呀!! )
但咁大間酒家，啤酒居然是藍帶和生力!!... ...( 唉!!... ...無喜力!! )
如果整體來說，元朗大榮華是好過九龍灣大榮華!!
在於上菜上得太快，地方比較迫!!... ...食物雖然好食，但都仲是元朗個間好食!!
全個夜宴最驚喜，係個hello kitty的蛋糕!!... ...廿六歲仔，切個hello kitty!! ( 有冇人見到呀?? )
但都好，今次的蛋糕係唔駛用面食，終於可以用口食!! ( 全個月的生日蛋糕!!... ...件件都用面食!!洗頭洗面都洗到傻!! )
而且最開心的是人齊!!
我曾經講過食什麼，要什麼和玩什麼都唔重要!!... ...最重要是人齊!!
對我來說，人齊的一餐飯代表平平安安，開開心心!!... ...談天說地時，可以知道大家的近況!!
在另一個角度看，下次都唔知幾時可以咁齊人食飯!!
其實，食完餐飯都驚驚地!!
因為一去到加洲紅，我係唔想飲酒!!... ...( 居然出於我把口!! )
反而好想食西瓜，而且啲西瓜鬼咁好食!!
唔同以前係又飲，唔係又飲!!... ...!!飲醉唔飲醉，已經不打緊!!
人大過試過就算"家"啦!!... ...沒有必要都唔會吓吓去盡!!
望著大家玩得咁開心，等我靜靜地出去，吸一口煙啦!!
字﹕將進酒
9月22日 腸粉遊記事源要講番，星期三晚!!
在飲酒時，突然接到一個「非簡單任務」!!... ...( 即係好複習啦!! )
唉!!... ...!!唔係做唔到，只係壓力又大左"姐"!!
講真!!... ...除左，幾年前拍攝工商盃有這種壓力，今次個任務不在它之下!!
但對我來說，沒有事情我係攪唔掂!!
由昨晚想到今晚!!
突然，肚餓"tim"!!... ...落街食番條腸粉，鬆一鬆先!!
買腸粉，其實只要十分鐘攪掂晒!!... ...!!但要同皇妹‧駛利呀和豬醒嗎嗎講電話，買幾條腸粉都買成個鐘!!... ... ( 好肚餓呀!!... ...未食dinner ar!! )
電話內容，極度正經!!... ...不說也吧!!
但點解平平凡凡既腸粉，點解值得我去寫呢??
講真!!... ...肥四，一晌都好Like腸粉!!
由其是熱辣辣出煙個種，如果冬天食到!!... ...簡直由個心暖出黎!!
當然要溝埋阿混醬啦!!... ...( 肥四，最鐘意"溝"啦!!... ...哈哈哈!! )
啦!!... ...混醬有分﹕甜醬、麻醬、辣醬、豉油和芝麻!!
甜醬甜甜地、麻醬麻麻地、辣醬辣辣地、豉油咸咸地、芝麻"油麻地"!!... ...都幾似一個人生!!
記番當年，剛剛出來做野人工唔係多 ( 現在都係!! )，經常和臭八食埋啲狗屎垃圾野!!
其中一樣，就係腸粉啦!!
由佢做戲院到吉之島，都會有時買定一包腸粉等佢收工!!... ...( 你話個衰婆，幾易"溝"呢!? )
當然臭八唔係泛泛之輩啦!!... ...仲要加埋十蚊燒賣和五蚊咖哩魚蛋啦!!... ...( 蝕左!!肉赤!! )
就算到現在，我們放假都會去官塘廣場食腸粉!!... ...( 衰婆!!... ...落芝麻你食晒佢呀!! )
一段腸粉，一段情緣!!... ...篇織出一"pat"混醬的故事!!
如果要講好食的腸粉，就要追索到二十年前的西環!!
當時有一個腸粉叔叔，他做的腸粉味道，係我二十年來都食唔番啦!!
佢係用一個手推車推住一個燒到紅紅的鑊，再放落雞蛋、老抽、豬油和腸粉一齊炒!!
然後，放落一個有紙的鐵碟上!!... ...加上當時出產的混醫，再"某"向街邊食!!
這種味道，係我最想食番的味道!!
你會覺得可以找番個阿叔再整俾我食呀!?
你估我沒有找過呀!!... ...但個阿叔，原來晌十幾年前，已經過身啦!!
所以，腸粉中都會有你值得回憶，值得記掛的感覺!!
雖然如此，但現在首先醫飽我個肚先!!... ...靚女，十蚊腸粉!!
吓!!... ...乜咁大包呀!!... ...嘔!!... ...救命呀!!... ...好飽呀!!
第二朝一定痾腸粉呀!!... ...唔係喎!!... ...十條變一條痾出!!... ...好玩喎!!... ...( 臭八﹕小心痾條粉腸呀!! )
字﹕將進酒 9月19日 深圳‧蘭桂芳‧SPA橫掃法租界，馳名中外，人稱「按摩之神」!!... ...PIERE KEN哥!!... ...的介紹下!!
上星期日，去左「深圳‧蘭桂芳‧SPA」!!
「蘭桂芳‧SPA」的位於深圳福田保稅區桂花路11號帝港海灣 ( 高尚住宅區 )!!
人煙稀少，環境清優!!... ...離皇岡口岸只需10分鐘 ( 大約20人仔 )車程!!
肥堅，阿來，阿Ting和我入到去大堂，絕對沒有驚喜!!... ...但當入到去更衣室、沖身間和各種SPA水療按摩大小池!!... ...即是聽到"嘩!!".... ....( 美女廚房的SOUND EFFECT )!!!!
優雅而古典的更衣室，而且非常非常之乾淨，服務員又非常NICE!!
最恐怖能夠容納600個臭男人的臭底褲!!... ...真係，大力一索真係唔知，邊條打邊條呀!!
我答﹕「唔該!!... ...我個條UNUN WEAR係邊呀!!... ...!!」
阿Ting﹕「你都冇著，邊Q到有呀!!」
我大叫﹕「呀~~~~~~~呀!!」... ...( 走開左!! )
接著，準備入沖身間時!!
要先講講，放電話銀包的櫃子!!
平時，... ...個種放得銀包，又放唔到煙，放到煙時，又放唔到電話!!
但這間「蘭桂芳‧SPA」唔同，... ...佢個櫃放晒所有物件，都仲可以放包薯片!!... ...這個細心的構思，係佢先俾到我!!
而讚的地方當然，不致一樣啦!!
跟住到沖身間，有個鬼馬的花灑設計!!
當有一個流動花灑和固定花灑時，你把水制全部轉向流動花灑，再放回預先給它的架子，然後花灑口晌住自己!!
大力一開，... ..."嘩!!".... ....( 美女廚房的SOUND EFFECT )!!
真係有一種，足球小將的感覺!!... ... ( 當然我自己係中左招啦!! )
之後，我在沒有人的情況下，把所有流動花灑照辦煮碗做一次!!.... ...跟住見到有五六條友同時一開!!... ...哈哈哈!!笑死"朕"呀!!
再跳入各種SPA水療按摩大小池!!... ...其中有﹕
內裡底部有，強力噴水池和吸力漩渦池!!... ...強力射背池、獨立的水療浴缸和大型溫水池!!
而且仲有乾蒸燒賣房和濕蒸燒賣房!!... ..."嘩!!".... ....( 美女廚房的SOUND EFFECT )!!
換好浴衣後，一堆門!!... ..."嘩!!".... ....( 美女廚房的SOUND EFFECT )!!
原來係十大懶人之首，「自動扶手電梯」呀!!
我去個咁多個場，間間都要我行幾層樓梯!!... ...這間「蘭桂芳‧SPA」個種對顧客的體貼!!
係只有佢先至俾到我!!
當電梯上到去，... ...第二層!!
第一眼看到，驚人的表達技巧!!... ...就是分了三大唔同光度休息區!!
除左，超過150個休息坐位!!... ...仲分全暗氣氛休息區，黃燈氣氛休息區，和落地磨沙玻璃透光氣氛休息區!!
當我在日落黃昏時，坐在落地磨沙玻璃透光氣氛休息區，飲住杯凍到入心的凍頂鐵觀音!!... ...個種「愛是永恆，當所愛~~~~是~~~~你!!」
而且仲有個小型 ( 可以坐20幾人 )看書優閒CAFE!!... ...一轉身，一望係一個有情調的餐廳!!
講真!!... ...絕對無可能覺得自己在深圳，再者香港都沒有這種地方可以比美到佢!!
登登登登登!!... ...!!入去按摩區啦!!!!... ..."嘩!!".... ....( 美女廚房的SOUND EFFECT )!!
木橋流水式的走廊，再加上落地磨沙玻璃的設計!!... ...完全是我喜愛個種簡約主義!!
再加上每間獨立房，都有中式床和泰式床!!... ...你想點揀，可以點揀!!
而且中式床下面放了一個LCD電視，如果喜愛球賽的你，絕對是按摩和睇波的完美組合!!
再加上，每位技師有充足時間休息 ( 和技師聊天中得知 )!!
一按之下，簡直係上帝之手!!... ...先講我個位309技師，她一手日式香薰按摩，充份表現出她的控油技術、穴位準繩和力度剛柔!!
她的控油技術，絕對用了半支!!... ...不像，我之前去月光城佳寧娜用了幾支油幫我按摩，想浸死我!!
她的穴位準繩，命中率95個巴仙!!... ...超越了我之前，主場高科息水療中心!!
她的力度剛柔，我只能夠答佢一定係武當弟子309!!... ...比起三島休閒中心個位，飄移王技師!!... ...我肯定前者練太極，後者練七傷拳!!
全個過程服務態度非常好，說話也不多也不少，最重要佢認真!!... ...三島學下人啦，唔學你改名叫"三倒"啦!!
按完後，見阿TING阿吃楊洲炒飯仲有例湯送!!
雖然，我沒有叫到來吃!!... ...但當上到我面前，絕對不是茶餐廳廿幾三十蚊個種!!
起碼，都有大酒樓的材料和功架!!
最後，要講三樓玩樂設施應有盡有，詳情下次再去拿張小冊子給大家看!!
重點是所有玩樂設施免費，而且酒BAR聽人講好似也是免費... ...( 有待證實 )!!... ...再加上，只要在23:00前，消費滿200個人仔就可以過夜，完全脫離其他水療休閒中心的做法，按三個鐘先可以過夜定律!!
其實仲有好多優點，不能筆錄!!
因為我都打左好幾個鐘頭字啦!!... ...!!有些累!!
價錢雖然每種貴少少，但起碼裝修，潔淨，舒服，按摩技術，態度和對客人的想法!!... ...都需要五星中的五星!!
我國有救啦!!... ...阿強，有救啦!!
而我暫時，都會把「蘭桂芳‧SPA」成為我的主場!!
Piere Ken哥!!... .謝謝你!!我代表骨精同盟會，多謝你!!
字﹕將進酒
|
|
|
